Брэд Питтэд Понти Пилатын дүрийг санал болгожээ
Warner Bros студи Понти Пилатын тухай киноны ажлаа эхэлж байна. “Император” киногоороо алдартай Вера Блазийн бүтээлийг 2012 онд авсан аж. Есүсийг цовдлон хороосон гэгддэг Иудейн хуульч Понти Пилатын дүрийг бүтээхдээ зохиолч бүсгүй Библийг бус, түүхэн эх сурвалжуудад түшиглэн бичсэн байна.
Кинонд цэргийн хүүгээс авахуулаад дайчин, прокурор болох хүртэл Пилатын бүхий л амьдралын замналыг өгүүлэх аж.
Гол дүрд Брэд Питт өрсөлдөж байгаа бөгөөд тоглох магадлал өндөр байгаа юм байна.Зураг авалт хэзээ эхлэх, хэн найруулах, бусад дүрд хэн тоглох талаар одоогоор тодорхойгүй байна.
Понти Пилатын дүрийг янз бүрийн цаг үед Жан Маре, Барри Денен, Харви Кейтель, Дэвид Боуи, Михаил Ульянов, Кирилл Лавров, Гэри Олдмен, Христо Живков, Хью Бонневиль нар бүтээж байжээ.
Д.Мигаа
Холбоотой мэдээ
Сэтгэгдэл ( 0 )