Лос-Анжелест “Алтан бөмбөрцөг”-ийн эздийг тодруулж байна
Лос-Анжелес хотноо “Алтан бөмбөрцөг” шагнал гардуулах ёслолын ажиллагаа нээгдлээ. Хөтлөгч Тина Фей, Эми Полер нар Холливудын дэргэдэх гадаадын хэвлэл мэдээллийн нийгэмлэгээс сонгогдсон, 25 номинацийн шагналтнуудыг зарлаж байна.
Уригдсан зочдын тоо 1000 хол давсан ба зочдыг "Беверли-Хилтон" –ын бүжгийн танхимд хүлээн авч, Сука Сугиура, Томас Хензи нар өөрсдийн хагас жил бодож зохиосон амтат жороор тэднийг дайлж байна.
“Алтан бөмбөрцөг” кино, телевизийг нэгтгэсэн, ач холбогдлоороо “Оскар”-ыг хараахан гүйцэхгүй ч, харьцангуй албан бус байдалд явагддагаараа онцлогтой. “Алтан бөмбөрцөг”-ийг энэ жил 70 дахь удаагаа гардуулж байгаа ба ялагчдыг Холливудэд амьдардаг олон улсын сэтгүүлчид тодруулдаг аж.
Энэ жилийн шагналын анхны эзнээр жүжигчин Кристоф Вальц тодрон, “Чөлөөлөгдсөн Жанго” кинонд бүтээсэн дүрээрээ “Бөмбөрцөг” авч байна. Энэхүү номинацид мөн жүжигчин Алан Аркин, Леонардо Ди Каприо нар нэр дэвшсэн аж.
“Тоглоом өөрчлөгдлөө” олон ангит цуврал кино хоёр шагналын эзэн болжээ: “шилдэг телекино буюу мини-сериал”, “телевизийн киноны шилдэг эмэгтэй дүр”.
Шагнал гардуулах ёслолын ажиллагааны талаарх хамгийн сүүлийн үеийн мэдээг FilmPro.ru сайтаас шууд дамжуулж байгаагаар авч болно.
Д.Мигаа
Холбоотой мэдээ
Сэтгэгдэл ( 0 )