Амьдай-хосууд салав
Хоёулангийнх нь нэр адилхан Келли Хиденбрандт гэдэг хосын гэрлэлт АНУ-д тухайн үедээ сенсааци болж байжээ.
“Хоёр Келли” 2009 оны хоёрдугаар сард Facebook-ээр танилцсан аж. 20 настай бүсгүй, 24-тэй залуу хоёр хоорондоо идэвхтэй бичилцэн танилцаж, Техасын оршин суугч залуу өөрийн интернет танилтайгаа уулзахаар Флоридад иржээ. Ингээд тэдний хооронд гал халуун хайрын роман үүссэн байна.
Уулзсанаас хэдхэн сарын дараа тэд гэрлэхээр шийдвэрлэжээ. Ингээд Келли Хиденбрандт, Келли Хиденбрандт нар 2009 оны аравдугаар сарын 11-нд гэрлэсэн байна. Энэхүү үйл явдлын талаар тухайн үед орон нутгийн хэвлэлээр идэвхтэй бичицгээн, тэр бүү хэл, хосууд алдартай People сэтгүүлийн нүүрэнд заларч байсан аж.
“Хоёр Келли” гурван жил хүрэхгүй хугацаанд хамт амьдарсан ба өнгөрөх оны сүүлээр гэрлэлтээ цуцлуулан, нөхөр Келли Хиденбрандт нохойгоо аваад Техас руугаа буцсан байна.
Д.Мигаа
Холбоотой мэдээ
Сэтгэгдэл ( 0 )