Орос, монгол оюутнууд концерт тоглоно

Нэгдүгээр сарын 25-нд Буриадын улсын филармонид авьяаслаг залуусын концерт тоглох аж. Түүнд Чайковскийн нэрэмжит урлагийн коллежийн төгсөгчид болон өвлийн амралтаараа Улаан-Үдэд ирсэн Оросын болон гадаадын шилдэг урлагийн сургуулийн оюутнууд оролцоно.

Мөн Москвагийн улсын консерватори, Гнесины нэрэмжит Оросын хөгжмийн академи, Найрал дууны урлагийн академи, Новосибирскийн улсын консерватори, Алс Дорнодын улсын урлагийн академи болон Монголын Соёл урлагийн их сургуулийн оюутнууд оролцож, өөрсдийн уран бүтээлээ толилуулна хэмээн Буриадын Соёлын яамнаас мэдээлжээ.

Д.Мигаа