Өнөөдөр - Дэлхийн The Beatles өдөр

Дэлхийн The Beatles өдрийг 12 дахь жилээ тэмдэглэж байна. 

The Beatles XX зууны хамгийн алдартай рок хамтлагаар тооцогддог. 2004 онд Rolling Stone сэтгүүлээс бүх цаг үеийн хамгийн алдартай 500 дууны жагсаалт гаргахад Битлсээс хамгийн олон буюу 23 дуу орсон байжээ.

Битлсийн анхны цомог 1962 оны аравдугаар сарын 5-нд гарсан билээ. Сарын дараа гэхэд "Ливерпулийн дөрвөл" телевизээр дуулан, 1963 оны гуравдугаар сард Please Please Me цомгоо гаргасан байна.

Тэднийг шүтэн бишрэгчдийн тоо өдрөөс өдөрт өсөн нэмэгдэж 1964 онд дэлхийг тойрон аялах тоглолтоор Дани, Нидерланд, Гонконг, Австрали, Шинэ Зеландид тоглоход нь олон мянган фенүүд нь тэднийг нисэх онгоцны буудал дээр угтан авч байжээ.

1970 онд тэдний сүүлийн цомог болох Let It Be гаран, тэр жилээ хамтлаг тарсан билээ.  

Д.Мигаа