”Жеймс Бондын” зохиогчийн тухай кино бүтээнэ

"Мамма Миа!", "Ерөнхийлөгч Линкольн: Вампирын ангуучин" киногоор алдартай, Британийн жүжигчин Доминик Купер "Жеймс Бондын" зохиолч Йен Фламингийн тухай, Sky Atlantic телесувгийн 4 ангит мини-сериалд гол дүрд тоглох аж.

Уг киноны үйл явдал Дэлхийн хоёрдугаар дайны үед өрнөх ба гаднаас харахад жүжигчин эр "Бондын" зохиолчтой төдийлөн адил бус ч, түүний харьцангуй залуу үеийн дүрийг бүтээх юм байна.

Банкирын амжилтгүй карьерын дараа Флеминг Дэлхийн хоёрдугаар дайны үед тэнгисийн цэргийн тагнуулд ажиллаж байжээ. Энэ нь түүнийг Британийн №007 тагнуулч Жеймс Бондын тухай зохиол бичихэд нөлөөлсөн аж.

Д.Мигаа