Австрид хоёр галт тэрэг мөргөлдөв

Вена хотын ойролцоох Пенцингед зорчигч тээврийн хоёр галт тэрэг мөргөлдөн, таван хүн хүндээр гэмтжээ.

Өмнө нь нэлээн хэдэн хүн гэмтсэн хэмээн мэдээлэгдэж байсан ба одоогоор албан ёсны тодорхой тоо гараагүй аж. Цагдаагийн мэдээллээр 19 зорчигч гэмтсэн гэж байгаа бол хэвлэл мэдээллүүдээр 25 хүн гэж яригдаж байна.

Шархдагсдыг орон нутгийн эмнэлэгт хүргэжээ. Ослын газарт түргэн тусламжийн машинууд очин шаардлагатай эмнэлгийн тусламжийг үзүүлж байгаа аж.

Тээврийн хөдөлгөөний цагийн хуваарийг зөрчсөнөөс уг осол гарсан бололтой. Одоогоор хэргийн шалтгааныг тодруулахаар шалгаж байна.

Д.Мигаа