Алжирын дайчдын бүлэглэл Францыг заналхийлж байна

Алжир дахь гадаадын иргэдийг хулгайлсан хариуцлагыг хүлээж байгаа Мухтар Белмухтараар толгойлуулсан “Цусан баталгаатай батальон” хэмээх байгууллага Францад халдлага хийнэ гэж сүрдүүлжээ.

“Францын загалмайтнууд болон еврей-сионистууд Малийн хойд хэсэгт мусульманчууд руу дайрч байгаагийнхаа хариуг хүртэх болно” хэмээн бүлэглэлийн тэргүүний бие төлөөлөгч мэдэгдсэн аж. “Ин-Аменаст хийсэн дайралт бол зөвхөн эхлэл нь. Алжирт явуулсан ажиллагаа маань 90% амжилттай болсон. 800 цэрэг хамгаалж байсан стратегийн объектод 40 хүн нэвтэрч чадсан” гэж тэрээр бахдалтайгаар ярьсан байна.

Д.Мигаа