Хар тамхины хэргээр цаазын ял оноолоо

Индонез улсын хилээр хар тамхи  оруулахыг завдсан Их Британийн иргэн Линдсей Сэндифордод тус улсын шүүх цаазын ял оноожээ.  Линдсей Сэндифорд нь өнгөрсөн жилийн тавдугаар сард Балигийн онгоцны буудал дээр баригдаж үзлэгээр чемодандаа 4,8 кг кокаин авч явсан нь илэрсэн байна. Түүнийг өөрийн бурууг бүрэн хүлээж, шүүх хурал дээр сахилга баттай байсан хэмээн тус улсын прокурорын газраас 15 жилийн ял өгөхийг санал болгосон ч шүүгчид  хуулийн дээд хэмжээ буюу цаазаар авах ял өгчээ.

Г.Од