Хөнгөн онгоц Гудзон голд унажээ

Ням гаригийн орой Piper PA-32  маркийн хөнгөн онгоц Нью-Йоркийн хойд зүгийн Йонкерсоос холгүй Гудзон голд унасан байна. “Хөлгийн бүхээгт эрэгтэй, эмэгтэй хоёр байсан ба ноцтой гэмтэл авсангүй” хэмээн Йонкерсийн цагдаагийн дэслэгч Фил Коллинз орон нутгийн хэвлэлийнхэнд мэдээлжээ.

Одоогоор тэр хоёр эмнэлэгт байгаа ба аврагч хантаазны тусламжтайгаар усан дээр живэлгүй 30 минут болсон аж.

Онгоцны унасан шалтгааныг тодруулахаар үзлэг явагдаж байгаа бөгөөд уг онгоц зэргэлдээх Нью-Жерси мужийн нисэх буудлаас хөөрсөн байжээ.

Д.Мигаа