Хятадын манан гамшгийн байдалд хүргэж байна

Хятадын зүүн болон төвийн бүсийн Харбин, Шицзячжуан, Цзинань, Чжэнчжоу хотуудад өтгөн манангаас болж авто замууд хаагдан, нисэх буудлуудад агаарын нислэгүүд цуцлагдаж байна.

Бээжингийн “Шоуду” олон улсын нисэх буудал дээр 20 гаруй нислэг хойшлогджээ. Хятадын нийслэлийн зарим районуудад замын үзэгдэх орчин 600 метр хүртэл буурсан байна.

Хотуудыг хучсан өтгөн манангаас шалтгаалж, аюулын “шар” түвшин өмнө нь зарлагдаж байсан билээ. Цаг уурчдын үзэж буйгаар, энэхүү манан ойрын 1-2 хоногт алга болох бололтой. Мөн манангаас болж агаарын бохирдол дээд цэгтээ хүрчээ.

БНХАУ-д байгалийн гамшгаас сэргийлэх дөрвөн түвшинт системийг хэрэглэдэг ба аюулын түвшингээс хамааран хөх, шар, улбар шар, улаан өнгөөр тэмдэглэдэг аж.  

Д.Мигаа