Бүсгүйчүүдийн ямар дадал сексийн амьдралыг нь сүйтгэдэг вэ

Эхнэр нь нөхөртэйгөө зөвлөлдөлгүйгээр гэр орны талаарх шийдвэрийг аль болохоор их гаргаад байвал нөхөртэйгөө хийх секс нь төдий чинээ багасдаг гэнэ. Энэхүү дүгнэлтийг АНУ-ын Балтиморын Жон Хопкинсын их сургуулийн дэргэдэх нийгмийн эрүүл мэндийн Блумбергийн сургуулийн эрдэмтэд гаргажээ.

Америк судлаачдын нийтэлсэн тоо баримт үнэхээр гайхалтай аж:  “дарга” эмэгтэйчүүдийн нөхөртэйгөө хийх секс, нөгөө номхон хүлцэнгүй найз бүсгүйчүүдийнхээс нь даруй 100 дахин бага байдаг гэжээ. Худалдаа наймаа, аялал зугаалга, айлд зочлох гээд бүхий л зүйлсийг эхнэр дангаараа толгой мэдэн төлөвлөдөг бол энэ нь хосуудын сексийн амьдралд сөргөөр нөлөөлдөг гэж Оbozrevatel.com сайтад бичсэн байна.

Төслийн зохицуулагчдын нэг Мишель Хиндин үзэж буйгаар, бүх асуудлыг ганцаараа шийддэг хатагтай нар орон дотроо ч тиймэрхүү хандлага гаргадаг нь эрчүүдийн сэрэл хөдлөлтөнд сөргөөр нөлөөлөн, хамаг юмыг нь “буулгаад хаячихдаг” бололтой.

Д.Мигаа