Уго Чавесийн бие улам сайжирч байна

Венесуэлийн ерөнхийлөгч Уго Чавесийн биеийн эрүүл мэнд улам сайжирч байна хэмээн Үндэсний ассамблейн дарга Дьосдадо Кабельо ням гаригт мэдэгдсэн байна. Тэрээр ерөнхийлөгчийн эмчлүүлж буй Гаванад саяхан очоод иржээ.

“Эдгэрлийн процесс удаан боловч найдвартай явагдаж байна” гэж парламентын дарга өгүүллээ. Венесуэлийн ард түмний олон удаагийн чин сэтгэлийн хайр, халамжийн хариуд тэднийг чангаар тэврэн, талархаж буйгаа Уго Чавес дамжуулсан байна.

Гаванын эмнэлэгт уулзах үеэр ерөнхийлөгч Уго Чавес чухал баримт бичгүүдэд гарын үсэг зуран, Нэгдсэн социалист нам болон засгийн газрын хэрэгжүүлэх ёстой зарим шийдвэрүүдэд холбогдох заавар зөвлөмжийг өглөө хэмээн парламентын дарга нэмэн өгүүлжээ.

Хоёрдугаар сарын 1-нээс төрийн тэргүүний үүргийг түр орлон гүйцэтгэж буй Венесуэлийн дэд ерөнхийлөгч Николас Мадуро Уго Чавесын хагалгааны дараах үе шат дуусан, эмчилгээний шинэ түвшинд шилжлээ гэж мэдээлсэн байна.

Д.Мигаа