Амьтны хэл ойлгодог бүсгүй

Амьтны хэл ойлгодог хүмүүс зөвхөн үлгэрт гардаг гэж боддог уу? Тэгвэл, нохой, муурны үсчин хийдэг, 39 настай британи бүсгүй Мэнди Карр өөрийн дөрвөн хөлт үйлчлүүлэгч нарынхаа бодлыг унших чадвартай гэнэ. Хүмүүс түүнд төлбөр төлөн, хайртай амьтдаа оношлуулдаг аж.

Мэнди анх 20 настай байхдаа энэхүү чадвараа мэдэрчээ. Тэрээр нэгэн нохойны үсийг засаад байж байтал гэнэт амттайхан юм гуйж байгаа “хоолой” сонсох шиг болсон байна.  Ингээд эхэн үедээ үүнийг маш их гайхаж байсан аж. Харин одоо Мэнди өөрийн авьяасыг ашиглан, хөөрхөн орлого олдог болжээ. 100 фунт стерлинг аваад амьтдынх нь ямар өвчтэй байгаа, юу бодож байгаа зэргийг эздэд нь хэлж өгдөг юм байна.

Мэндид амьтныг заавал биетээр бус, зургийг нь ч үзүүлж болох аж.

Д.Мигаа