Зөрүүд нохойныхоо ачаар сая доллар хожжээ

Юта мужийн нэгэн оршин суугч эр болон түүний найзууд зөрүүд бяцхан нохойны ачаар Powerball сугалаанаас супер хонжвор хүртжээ. Стелла нэртэй бяцхан нохой эзнээ сая доллар авчирсан азын сугалааг авахаас аргагүйд хүргэсэн аж.

Стив Хьюз ба түүний Utah-ын Их сургуулийн найзууд \нийт 33 хүн\ долоо хоног бүр сугалаанд оролцдог ба саяхнаас том хонжвор хожно гэдэг мөрөөдөл төдий зүйл хэмээн сэтгэлээр унаад байжээ. Сарын эхээр америк эр ээлжит сугалаагаа авахаар Ютад зарагдахгүй байсан тул Айдахон дэлгүүр рүү явж байсан аж. Гэтэл түүний төлөвлөгөөг хайртай нохой нь өөрчилсөн байна.

Зам зуураа уг эр шатахуун түгээгүүр орон, найз бүсгүйтэйгээ машинаас хальт гарчээ. Энэ үед сэргэлэн Стелла ямар нэг аргаар “үүдийг дотроос нь түгжсэн” байна. Хьюз 45 минутын турш нохойгоороо хаалгаа онгойлгуулах гэж бөөн юм болжээ.

Үүний дараа тэрээр найз бүсгүйгээ касс руу очин сугалааны тасалбар худалдаж авахыг хүссэн байна. Стелла дэлгүүр рүү очиход нь саад болоод байсан тул ингэж шийджээ. Удалгүй машины хаалга ч онгойсон байна. Харин Стив бяцхан нохойных нь санаачлагаар авсан тасалбар сая доллар хожингуут үнэхээр их гайхсан аж.

Д.Мигаа