Уралын солир “Твиттерийн” топ болов

Уралд унасан солир дэлхий нийтийн анхаарлыг татаж байна. Үүнийг  #chelyabinsk, #russianurals, #RussianMeteor гэсэн хэштэгүүд Twitter олон нийтийн сүлжээний дэлхийн хэмжээний топ болсон нь илтгэж байна. Энэ талаар цагт 10-20 мянган мэдээлэл солилцож байгаа аж.

Өнөө өглөө эрт Уралын холбооны тойргийн нутаг дэвсгэр дээгүүр дэлбэрэлтийн долгион дагуулсан солирын бороо өнгөрсөн талаар бид өмнө нь мэдээлж байсан билээ.

Уг үзэгдлийн уршгаар Челябинскийн цайрын завод, хэд хэдэн сургалтын байгууллагууд, ялангуяа челябинскийн улсын их сургууль ихээхэн хохирол амсчээ. Зарим эх сурвалжийн мэдээллээр, 500 орчим хүн бэртэж гэмтсэний олонх нь шилний хагархайд зүсэгдсэн аж.

Уг бүсэд сургууль, цэцэрлэгүүдийн үйл ажиллагааг зогсоожээ.

Саяхны авсан мэдээллээр, Сатка хотоос 80 км-т ердөө л нэг килограмм жинтэй солир унасан аж.

Д.Мигаа