Хохирогчдын тоо 500-д хүрлээ

ОХУ-ын Уралын Челябинск мужид солирын хэсгүүд унасны улмаас тусламж хүссэн хохирогсдын тоо 500 орчим болоод байна хэмээн ОХУ-ын ДХЯ-ны хэвлэлийн төвийн төлөөлөгч мэдээлжээ. Түүнчлэн эдгээр мэдээллүүд нь байнга шинэчлэгдэж байгааг хэвлэлийн төвөөс мэдэгдсэн байна. Хохирогсдын ихэнх нь шилэнд зүсэгдсэн ба шалбарсан гэх бөгөөд хүндэвтэр гэмтэл авсан таван хүнийг эмнэлэгт хүргэсэн аж. Хязгаар нутгийн шуурхай албаны штабын сүүлийн үеийн мэдээгээр, солир нь Чебаркуль хотоос 1 км зайтай голын усанд унасан гэж РИАНовости агентлаг мэдээлжээ.