Солирын борооны тэсрэлт яг дайны үеийг санагдуулсан гэв

Уралын Челябинск хотын оршин суугчид солирын дэлбэрэлтийн талаар мэдээлжээ. Тэдний хэлж буйгаар солирын борооны дэлбэрэлт болон газарт унаснаас үүссэн хүчтэй доргилт нь яг л дайн болж байгаа мэт сэтгэгдэл төрүүлж байсан гэнэ. Солирын дэлбэрэлтийн үед асар их дуу чимээ гарсан нь нүргэлсэн чимээ байсан аж. Ийм дуу чимээ бүхий байдал 20-30 минутын турш үргэлжилсэн байна.

Дашрамд дурьдахад Челябинск нь ОХУ-ын нийслэл  Москва хотоос зүүн зүгт  1500 км зайд оршдог байна. Тус хотод цөмийн үйлдвэр болон атомын цахилгаан станц байрладаг бөгөөд азаар солирын бороонд өртөөгүй гэнэ.