Канад оюутан азаар амьд үлджээ /видео/

Канадын оюутан Лука Жоэл Коллер швейцарийн Альпийн нуруунд азаар амьд үлджээ. Тэрээр санамсаргүй тохиолдлоор хоёр хадны хооронд ангалд орсон боловч азаар, тэр нь тийм ч их гүн биш байсан тул өөрийн хүчээр гарч чадсан байна.

“Швейцарийн Мюррентэй зэргэлдээ ууланд тэр өдөр 50 см хэртэй шинэ цас орчихсон, гайхалтай сайхан байсан. Би шинэ чиглэлээр явахаар шийдсэн” хэмээн Коллер өөрийн хамгаалалтын дуулга малгайндаа бэхэлсэн камераар хийсэн бичлэгийнхээ тайлбарт өгүүлжээ.

Залуу хүү хамт явсан нөхдөөсөө хоцронгуут тэрхүү шинэ замыг сонгон явсан аж. Ингээд гэнэт цасны хавтан нь жолоодлогоо алдан, ангал руу орчихсон байна. “Би бүхий л хүчээр зогсохыг оролдсон боловч яаж ч чадаагүй. Би цасан ангал руу орсноо ойлгоод эхлээд маш их айсан” гэж жуулчин залуу дурсаж байна.

Тэрээр эвгүй байдалтай тулгарсан боловч ямар ч гэмтэл бэртэл аваагүйдээ их баяртай байгаа аж.

Д.Мигаа