Нүүрээ “марзан” харагдуулах явдал интернетэд моод болов

“Гажигтай” сонсогдох энэхүү үзэгдэл буюу хачирхалтай царайлсан сонин зургууд сүүлийн үед интернетэд  дүүрчээ. Reddit сайтын олон мянган хэрэглэгчид өөрсдийн танигдахын аргагүй болгосон “марзан” зургуудаа нетэд тавьж байна хэмээн  Daily Mail -д мэдээлсэн байна. /Зургууд сонирхохыг хүсвэл цэнхэр холбоос дээр дарж орно уу/

  Reddit фотосайтын хамгийн алдаршаад байгаа хэсэг нь  PrettyGirlsUglyFaces хэмээх нэртэй аж. Бүсгүйчүүд нэгэн дээр нь хэвийн байдлаар авахуулсан, нөгөө дээр нь нүүр амаа эв хавгүй муухай болгосон зургуудаа энд байршуулж байна. Зарим нэг “зэрэмдэг” царай ориг царайнаасаа танигдахын аргагүй өөр байгаа ба зураг засдаг компьютерийн программ ашигласан мэт санагдмаар.

Сонирхолтой нь, энэхүү тоглоомыг бодит хүн эхлүүлжээ. “Өмнө ба дараа” гэсэн анхны зургийг өнгөрөгч оны долоодугаар сарын 14-нд Кристен хэмээх америк бүсгүй анх тавин, өөрийн хоббиг олныг хамарсан болгохоор шийдсэн аж. Тэрээр, ямар ч байсан өөрийн гадна төрхнөөс хэрхэвч ичих хэрэггүй гэсэн үзэл бодлыг илэрхийлж байна.

Д.Мигаа