Дөрвөн настай охин дүүгээ аварчээ

Америкийн Вашингтон мужийн баруун өмнө зүгт аймшигт осол гарчээ. Машин барьж явсан хоёр хүүхдийн ээж жолооны ард үүрэглэн, машин замаас гарч мод мөргөсөн байна.

Бүсгүй нас баран, харин түүний хоёр бяцхан охин амьд үлджээ. Дөрвөн настай эгч нь хоёр настай дүүгээ машины салоноос татан гаргаж, хоёулаа бүтээлгээр биеэ ороон, хажуугаар өнгөрөх машин тэднийг ажиглатал суусан аж.

 The Seattle Times-д мэдээлснээр, бага охин нь нэлээн хүнд гэмтэл авсан ба тэднийг эхлээд Орегон, Вашингтоны хил дээр оршдог Астория хот руу аваачиж эмнэлэгт үзүүлэн, дараа нь дүүг нь Портланд руу эмнэлгийн онгоцоор аваачсан байна.

Сүүлд тодруулснаар, 26 настай Жессика Мари Рат загасчлалаар явсан нөхрийнхөө араас очиж явсан аж. Тэд Орегонд уулзалдах ёстой байжээ. Харин эмгэнэлт явдал болохын өмнөхөн тэд утсаар ярин, нөхөр нь тэдний очиж яваагаас өөр газарт байгаа гэсэнд машинаа эргүүлэн буцаж яваад, шөнийн хоёр цагийн орчимд үүрэглэн, мод мөргөсөн аж.

Охидыг олж аварсан загасчин Крэй Макклур “Телевизийнхэн биднийг баатар мэтээр харуулахыг хүсээд байсан. Харин бид баатар биш, дүүгээ аварсан дөрвөн настай бяцхан охин жинхэнэ баатар” хэмээн өгүүлсэн байна.

Д.Мигаа