Майкл Жексоны ах овгоо сольжээ

Поп хөгжмийн хаан Майкл Жексоны том ах, америкийн дуучин, бас-гитарчин Жермен Жексон өөрийн алдартай овгоосоо албан ёсоор татгалзжээ. Одооноос эхлэн Жермен тайзны уран бүтээлтэй холбоотой шалтгаанаар Жексан хэмээх овог зүүх болов.

Майклтай хамт Жермен I want you back, I”ll be there, I am love, Dancing machine болон олон алдартай дуунууд дуулдаг байсан билээ. Jackson 5 хамтлагт Майкл, Джеки, Тито,  Марлон, Жермен ах дүү тавуулаа зургаан жил хамт дуулсны эцэст 1975 онд Жермен хамтлагаа орхин, ганцаарчилсан тоглолтоо үргэлжлүүлэх болсон аж.

Энэ удаагийн нэр солилт нь анхны тохиолдол биш бөгөөд 1989 онд исламын шашныг хүлээн аваад Мохаммед Абдул Азиза гэсэн албан ёсны бус нэр авч байжээ.

Д.Мигаа