Европын замууд цасаар хучигджээ

Хавар эхэлж байгаа хэдий ч Европт дулаарах талаар одоохондоо ярих болоогүй ба олон хоног үргэлжлэн орж байгаа цасны улмаас зам харгуйд таагүй байдал үүсэн, осол гарах магадлал өндөрсжээ.

Европарламентын орлогч дарга Александер Альваро Германд зам тээврийн осолд орон хүнд гэмтсэн аж. Түүний сууж явсан машин эсрэг урсгалын машинтай мөргөлдөн, жолооч нь газар дээрээ нас баржээ.

Германы хойд зүгт цасан шуурга хэд хоногоор үргэлжилж байна. Зам харгуй мөстөн гөлийснөөс осол их гарч байгаа аж.

Австрид нөхцөл байдал адил байгаа ба зам дээр олон км үргэлжилсэн цасан хунгар тогтжээ. Тусгай албадууд алсын замд яваа жолооч нарыг хоол унд, ус, шатахуунаар хангаж байна. Цагдаагийнхан зарим замыг хаан, цэвэрлэгээ хийж байгаа аж.

Хорватад их цасны улмаас томоохон амралт жуулчлалын газруудын ажил саатжээ. Цаг уурын таагүй байдлаас гол тэнгисийн эрэг хавьцаа мөсөөр хучигдан, завин аяллын төлөвлөгөөг өөрчилж байна.

Чехийн нийслэлд их хэмжээний цас орсноос гудамжинд цас цэвэрлэх бүхэл бүтэн парк техникүүд ажиллаж байгаа аж.

Д.Мигаа