Хулгайчид кассын машиныг хөгжимтэй андуурчээ /видео/

Калифорни мужийн Сан-Диего хотын цагдаагийнхан ресторанаас хулгай хийсэн хоёр залууг хайж байгаа аж.  Тэд хөгжим тоглуулагч хулгайлсан ба харин цагдаа нар тэднийг өөр зорилготой байсан гэдэгт итгэлтэй байна гэж  10News –т мэдээлжээ.

Уг явдал энэ сарын 19-нд өглөө эрт Hooters ресторанд гарчээ. Тэр өглөөний үйл явдлыг видео ажиглалтын камер бичиж авсан байна. Тэнд үлдсэн бичлэгээс харахад, цайвар өнгийн пикап машин байшин руу дөхөж ирэн, 20 орчим насны хоёр залуу бууж, машинаа дотогш оруулахын тулд үүдний шилийг хагалан онгойлгож байна.

Гэтэл хаалга нь арай нарийхан байсан тул урт оосор ашиглан хулгайлсан зүйлээ чирж машины тэвшин дээр гаргаж, зугатан алга болсон аж.

Орон нутгийн цагдаагийнхны үзэж буйгаар, хулгайч нар хөгжим тоглуулагчийг бэлэн мөнгөний кассын машинтай андууран авсан бөгөөд хулгай хийх үедээ тэд хэвийн бус байсны улмаас “эвгүй” андуурсан бололтой.

Д.Мигаа