Жанет Жексон Катарын тэрбумтантай нууцаар гэрлэжээ

Америкийн алдартай дуучин Жанет Жексон (Janet Jackson) Катарын тэрбумтан Виссам аль-Мана (Wissam Al Mana)-тай нууцаар гэрлэжээ хэмээн Ассошиэйтед Пресс агентлаг өнөөдөр мэдээллээ.

Уг мэдээлэлд дурдсанаар, 2012 оны сүүлчээр хийсэн тэрхүү хурим нь “нам гүм, хувийн шинжтэй, сайхан ёслол” болсон гэжээ.

Өнгөрөгч арванхоёрдугаар сарын сүүлээр британийн  Daily Mail-д 2010 оноос уулзалдаж эхэлсэн Жексон, аль-Мана нарын нууц сүй тавилтын талаар мэдээлж байсан билээ. Тэнд өгүүлснээр, 37 настай бизнесмен эр 46 настай дуучин бүсгүйд “асар үнэтэй бөгж” бэлэглэн, нөгөөх нь “хаяж гээхээс их айж” байгаа талаар дурджээ.

Д.Мигаа