Согтуугаар эрхээ хасуулсан жолоочийн машинд тусгай тэмдэг тавина

Белгородын мужийн Думын депутатууд согтуугаар машин жолоодож яваад эрхээ хасуулсан жолооч нарын машин дээр тусгай тэмдэг тавьж байх хууль баталжээ.

Хуульд заагдсанаар, согтуугаар эрхээ хасуулсан жолоочийн машин дээр квадрат хэлбэрийн улбар шар тэмдэг тусгайлан тавих аж.

Белгородын депутатууд согтуугаар машин жолоодох явдлаас урьдчилан сэргийлэх нь зайлшгүй чухал асуудал хэмээн тооцож байна. Тэдний бодлоор, “тэмдэглэгдсэн” машин гэр бүлийнхний дунд ганц байсан ч сүртэй асуудал үүсэхгүй, харин ч гэр бүлийн бусад гишүүд жолооны ард согтууруулах ундаа хэрэглэхгүй, сургамж болно гэж үзэж байгаа аж.

Д.Мигаа