Rusty цөлийн шуурганы хүч саарч байна

Өчигдөр орой Австралийн баруун хойд эргийн шугамыг огтлон өнгөрсөн “Расти” цөлийн шуурганы хурд, хүч аажмаар саарсаар байна. Эхлээд дөрөв дэх шатлалд үнэлэгдэж байсан шуурга аажмаар гурав руу шилжин, 28-ны өглөө гэхэд хоёр дахь шатлалд ортлоо буурчээ.  Салхи хэдийгээр хүч нь саарсан ч эрэг хавийн районуудад өдрийн турш ширүүн бороо үргэлжлэх магадлалтай байгаа аж.

Эрэг рүү ойртох үедээ шуурганы гол хүч чиглэлээ өөрчлөн, Порт-Хедлендийг өнгөрөн, дорно зүг рүү явж, 800 хүн амьдардаг Парда уурхайн хотхонд таарчээ. Тэнд салхины хурд 210 км\цаг болтлоо ширүүссэн аж. Харин түүнээс 120 км-т орших Порт-Хедлендэд салхины хурд 150 км\цаг байжээ.

Эрэг орчмын оршин суугчдад “улаан анхааруулга” өгөгдөөд байгаа билээ. Одоо өмнө зүгт чиглэж байгаа “Расти” шуурга гуравдугаар сарын 1 гэхэд өмнө зүгт цөл рүү бүрмөсөн холдох аж.

Д.Мигаа