Нисдэг тэрэг марал буга, янзага хоёрт туслав /видео/

Канадын Шинэ Шотланд мужид марал буга, янзага хоёрыг аврахын тулд нэгэн өвөрмөц ажиллагааг явуулжээ.

Эх хүү хоёр хөлдсөн нуурын голд ороод явж чадахаа байсан аж. Мөс хэт нимгэн байсан тул хүмүүс тэдэн рүү хүрч туслах боломжгүй байжээ. Иймээс нисдэг тэрэг ашиглан туслахаар шийдсэн байна.

Хэцүү байдалд орчихоод байсан тэр хоёрыг анх биологич Ян Во олж харан, орон нутгийн захиргаанд мэдэгджээ. Тэрээр видеокамераар уг ажиллагааг бичиж авсан аж.

Тэнд хүрэлцэн ирсэн шинжээчид нөхцөл байдлыг дүгнэж үзээд тэдэнд туслах боломжгүй гэлцэж байтал нисэгч Дэвид Фарелл туршаад үзэхээр шийджээ. Эхлээд буга, янзага хоёр ойртон ирж буй нисдэг тэрэгнээс айцгаан, янзага нь зугатаж гүйхийг оролдон, харин ээж нь мөсөн дээрээс өндийж чадахгүй байлаа. “ Гэнэт сонин зүйл боллоо. Нисэгч газар руу маш ойртон, эргэлдэх сэнсээр үүсч буй агаарын урсгалаар эх бугыг эрэг рүү “үлээж” эхлэв. Эхлээд тэрээр цахдаж байснаа дараа нь өөртөө туслахыг зөвшөөрөн, удалгүй хуурай газарт гарч ирсэн” гэж Ян Во дурсан ярьж байна.

Д.Мигаа