Далайн эрэг дээр үсгүй, хачин “амьтан” олдов

Саяхан британийн Тенбийн оршин суугч, 27 настай Питер Бейли далайн эрэг дээр сонин амьтны цогцос олжээ.

Тэрээр нохойтойгоо наран шарлагын эргээр зугаалж явтал гэнэт нохой нь хуцаж, гийнаад тайван бус болсон байна. Ингээд залуу эр дөхөж очин энэхүү сонин, үл мэдэгдэх амьтны цогцсыг харж, зургийг нь аван, орон нутгийн  Western Telegraph сонинд илгээсэн аж.

Уг сонин өөрийн Facebook хуудсанд хачирхалтай зургийг тавин, уншигчдыг юу болох талаар өөрсдийн саналаа хэлэхийг хүссэн байна.

Хэрэглэгчдийн ачаар уг зураг маш хурдан олон нийтийн сүлжээгээр тархаж амжжээ. Ингээд чухам ямар амьтан далайн эрэг дээр шидэгдсэн талаар хэд хоног маргалдаж байгаа аж.

Д.Мигаа