Уго Чавесын цогцсыг Хувьсгалын музейн шилэн хоргонд хадгална

Венесуэл улсын Ерөнхийлөгч Уго Чавес энэ сарын 5-нд таалал төгссөн билээ. Тэрээр бүтэн хоёр жилийн турш хорт хавдартай тэмцсэн ч илааршиж чадаагүй. Түүний цогцсыг занданшуулан Хувьсгалын музей доторх шилэн хоргонд хадгалахаар болсон байна. Дашрамд дурьдахад тус улсын Ерөнхийлөгчийн ээлжит бус сонгууль буюу нөхөн сонгууль Венесуэл улсад 4-р сарын 14-нд болох бөгөөд нэр дэвшигчээ дэвшүүлэхэд ердөө хоёрхон өдөр буюу 3-р сарын 10,11-ний өдрүүдийг товлосон байна.

Харин сонгуулийн өмнөх кампанит ажил ирэх сарын 2-11-ний хооронд явагдах юм бөгөөд Ерөнхийлөгчид хоёр хүн нэр дэвших аж. Тэдний нэг одоогийн дэд Ерөнхийлөгч Николас Мадуро юм. Харин нөгөөх нь Венесуэлийн сөрөг хүчин Миранда мужийн амбан захирагч Энрике Каприлес юм байна.