Леонардо ди Каприо,Том Хэнкс нар Горбачевийг “илчилнэ”

“HBO films ”болон Леонардо ди Каприо,Том Хэнкс нарын продюсерийн компаниуд хамтран “Горбачев” киног бүтээхээр болжээ. Энэхүү кино нь аугаа хүчирхэг ЗХУ нуран унасан тухай болон тухайн цаг үе ЗХУ-ын анхны бөгөөд сүүлчийн Ерөнхийлөгч Михаил Горбачевийн нүдний өмнө хэрхэн өрнөснийг харуулах юм.

Кино зохиол дээр “Ододын зам,”Нууц баримтууд” зэрэг алдарт цувралуудыг бичсэн  Жон Шибан  ажиллах юм.

Киноны зөвлөхөөр “Өөрчлөн байгуулалтын эцэг” Михаил Горбачев өөрөө ажиллах бөгөөд түүнтэй хамт орчуулагчаар нь он удаан жил ажиллсан  Павел Палаженко хамтрах юм.

Тус киног бүтээх анхны санаа 2011 оны “Cinema for Peace” фондын шагнал гардуулах ёслолын үеэр Горбачев, Леонардо ди Каприо нар анх танилцах үеэр яригджээ.

М.Мишээл