”Хорт могой” Клеопатра
Алдар хүндийг олох нь гайхалтай зүйл боловч харин тэр хэзээ ч хүйтэн шөнийг бүлээсгэж чаддаггүй юм.
Мэрлин Монро
Энэ гүрэнд эмс охид олон байдаг ч “бүгээн зүсмийн” үзэсгэлэн гоо Клеопатрад аугаа байлдан дагуулагчийг тэгж их дурлана гэж Ром даяар яахин мэдэх билээ.
Эртний домогт Египтийг аварч өгөөч гэж хатан хаан түүнд захидал ирүүлжээ.
Ялалтандаа бялуурсан их хаанд уг нь энэ юу байхав дээ.
Завиар зорчин хивсэнд ороогдон өөрийн биеэр тэр иржээ.
Тийм аугаа үзэсгэлэн байдгийг байлдан дагуулагч өмнө нь харж байсангүй.
Уг нь Клеопатра биш аугаа Цезарь өөрөө намба алдах шахжээ.
Бутарсан улсыг нь эмхэлж өгөөд нэрт жанжин эхнэр хүүхдээ умартан тэнд жаахан тухалсан байна.
Тэр хооронд “ мини” Цезарь ч мэндэлжээ.Нэрт жанжин түүнийг өргөмөл хүүгээ гэж үздэг байсан ч гэрээслэлдээ хааны өв залгамжлагч гэж өргөмжилсөн байдаг юм.
Ромд түүнийг нэр төр алдар гавьяа нь хүлээсээр байгаа ч тэр үзэсгэлэнт Клеопатрад хорогдсоор л байлаа.
Эрчүүдийг урин залах увидаст ид шид түүнд үнэхээр байсан юм.
Египтийн их эзэн хаан МТӨ 51 онд таалал төгсөхдөө 16 настай үзэсгэлэнт охин Клеопатра, түүний дүү Птолемей Дионис нарт хаан ширээгээ хуваан захир гэж гэрээслэн үлдээсэн гэдэг.
Египтийн эртний уламжлалаар тэд гэр бүл болсон юм.
Александр хотод шинжлэх ухаан ,соёл иргэншил ид цэцэглэн мандаж байсан болохоор яруу найрагч, зураач урчууд тэнд үй түмээрээ байж.
Энэ сайхан газар хатан хаан эрдэм номыг хичээн хэд хэдэн хэлийг эзэмшин гүн ухаан, уран зохиолыг сайтар судлан үздэг нэгэн байв.
Тэрээр уяхан тансаг хөгжмийг гайхалтай тоглож чаддаг байсан юм.
Клеопатра хүсэл тачаалаа хангахын тулд олон эрчүүдтэй амрагладаг байсан ч харамсалтай нь тэдний амийг золиослодог байжээ.
Насанд хүрээгүй түүний дүү балчир хаан энэ үед тоглоом наадам эргүүлэн эрхлэн гүйж явсан гэдэг.
Харин Клеопатра улсын эрх мэдэл түүний гарт байгааг сайн мэдэж байлаа.
Түүний эрхэм дүү хаантаныг Пофин гэгч тайган эр хүмүүжүүлж байв. Балчирхан хүүхдүүдийг түлхэн өөрөө хаан ширээнд суух хүсэлтэй тэрээр хатан хааны эсрэг Александрчуудыг босгож чаджээ.
Үзэсгэлэнт Еленагаас болж Трой хотын дайн гардаг шиг Юлий Цезарь Клеопатраг байлдан хамгаалсан юм.
Эцэст нь хаан Птолмей XII Нил мөрөнд живж, Пофин оргон зугатсанаар дайн намжлаа.
Египетчvvдийн амар амгаланг бодож Цезарь Клеопатраг дүү XIII Птолемей Неотеростай нь гэрлvvлэв.Бие султай бяцхан жулдрайг хаан ширээнд залсан нь аугаа байлдан дагуулагч хайр дурлалдаа цэнгэн хөгжилдөх таатай боломж байлаа.
Ирсэн гийчин буцдаг хойно Цезарь Ром руугаа харихад Клеопатра Птолемей-Цезариан хүүг тэврэн үлджээ.
Удалгүй Цезарь ч таалал төгсөж МТӨ 44онд Египтийн хатан хаан нутагтаа иржээ.
Жилийн дараа XIII Птолемей хаан нас баран Клеопатраг түүний үхэлд буруутгаж байсан ч дөрвөн настай Цезариан хүүг хаан ширээнд залжээ.
Ийнхүү хэмжээлэшгүй эрх мэдэл дахиад л хатан хааны мэдэлд очжээ.
|
Тэрээр Ромоос буцахдаа их эзэн хаан Марк-Антонийгийн зүрх сэтгэлийг аваад харьжээ. МТӨ 42онд Брутыг ялан дийлээд Грекийг байлдан дагуулж чадсан түүний өмнө өргөн түмэн бөхийн ёслож байсан өдрүүдэд ганцхан Клеопатра түүнийг тоогоогүй мэт санагджээ. Цезарийг эзэмдэхэд даруу зан л хангалттай байсан бол Антонийд илүү уран арга заль зохиох хэрэгтэй байлаа. Удалгүй түүний өмнө эзэн хаан бардам зангаа гээж Цезарионыг Ромын залгамжлагч гэдгийг хvлээн зөвшөөрсөнөөр барахгүй ард түмэнд нөлөө үзүүлж чадах Милетэд нуугдаж байсан бага дүү Арсионояг Дианагийн сvмд хөнөөжээ. Энэхүү гавьяаны шагналд Клеопатра Антонийд биеэ тушаажээ. Ухаангүй дурласан хааныг буцаан авах гэж эхнэр нь Перузины дайныг өдөөсөн гэдэг. Сэнгэнсэн сайхан булгийн дэргэд нэгэнтээ их хатан Антонийд хоёр гараараа ус хутган өгөхдөө аль нь амттай байгааг асуужээ.Мэдээж адилхан шүү дээ. Хариултыг нь сонсох завдалгүй тэрээр өөрөө “Нил мөрний ус л амттай байгаа биз дээ” гэж асуусанаа мухарласан гэдэг. Дурлалыг захирдаггүй хойно Антони Арменийг эзэлсэний дараа хайртдаа эргэн ирсэн юм. Аугаа их байлдан дагуулагч тухайн үед үндсэндээ зөвхөн Египтийн хаан мэт өчүүхэн харагдаж байлаа. Тэрбээр Клеопатрагийн дvрс бvхий мөнгөн зоос урлаж, дайчдын бамбайн дээр хатны нэрийг сийлэхийг тушааж байв. МТӨ 31 онд Антонийгийн эхнэрийн дvv Октавианд дайн зарлав. Эрэлхэг жанжин мэт өөрийгээ санасан Клеопатра энэ удаа Антонийгийн өмнөөс Ромд ялагдал хүлээсэн юм. Эрчүүд чаддагаараа ууж суух зуур тэрээр тэнгисийн эрэгт мундаг бунхан байгуулж цаг нь ирэхээр бүхий л эрдэнэсээ хамтад нь шатаах даалгавар аль эрт өгчихсөн байжээ. Арга ухаант тэрээр Антонийтой хэсэгхэн эвлэрчээ. Гэвч хэзээ ч түүнийг ялан дийлэгч дууддаг хойно Октавианыг уургалах арга мэхээ сэдсэн байлаа.Хэдий 37 настай ч тэрээр өөрийн гоо үзэмждээ дэндүү итгэлтэй хэвээр байсан юм. Гэвч Ромын цэргvvдтэй тулалдсан Антоний ялалт байгууллаа. Хатан хаан дахин баатар эрд “лайк” зарлав. Антони Ромын хатан хааныг өөрөөс нь урвасан гэж мэдэж байсан тул Клеопатраг хайж эхэлжээ. Клеопатра өөрийнхөө үхлийн талаар мэдэгдэх элчийг түүн рүү довтолгожээ. Удалгvй Антоний vхлийн ирмэг дээр байгааг сонссон Клеопатра тvvн дээ өөрөө иржээ. Ийнхүү Ромын их хаан хайртай хатныхаа гар дээр таалал төгсжээ. Клеопатра Антонийг оршуулсныхаа дараа ялагчтай тохиролцоонд хүрч чадсангүй. Учир нь нь Октавиан түүнийг нүгэлт боол мэт гинжлэн тэрэгний ард чирэн явах болно гэсэн таагүй мэдээг сонсжээ. Хэн тийн хүсэх билээ. Зөвхөн ялахын зовлонгоос илүү гачлан үзээгүй түүнд хорвоогоос уйдах ямархан хэцүү билээ. Хорт могой л буруутай юм шүү дээ. Л.Мөнхбат |
1.jpg)
Сэтгэгдэл ( 2 )
үнэн түүхийг сонирхолтой болгон бичжээ.Клеопатр
Sonirholtoi barimttai goyo bichjee