Домогт Битлз хит парадыг тэргүүлсээр 50 жил болжээ

1963 оны энэ өдөр домогт Битлз хамтлаг “From Me to You” пянзаа худалдаанд гаргасан нь тэднийг тун удалгүй Английн хөгжмийн хит парадад анх түрүүлэх эхлэлийг тавьсан юм.

ЮНЕСКО-гийн шийдвэрээр жил бүрийн 1 сарын 16 –нд дэлхий даяар Битлзийн өдрийг  өргөн тэмдэглэдэг болоод байгаа билээ.

1957 онд Ливерпулийн алдарт дөрвөн хөвгүүн “The Cavern “\Агуй\ клубын  үүд хаалгаа нээжээ.

Дэлхийн 2-р дайны үед хорогдох байр байсан энэ”агуйд” 1961 оны 2 сарын 9-нд Ливерпулийн Жон Ленон,Пол Маккартни,Жорж Харрисон,Ринго Стар нар хамтран байгуулсан “Битлз “ хамтлагийн анхны тоглолтоо хийсэн байна.

Америкийн рок-н-ролл чиглэлээр гараагаа эхэлсэн дөрвөн залуу тодорхой хугацааны дараа өөрийн гэсэн өнгө төрхөө олж дэлхийн өнцөг булан бүрт  үе үеийн олон мянган үзэгчдийг өнөөдөр ч байлдан дагуулсаар иржээ.

 Хөгжмийн ертөнцийн мэргэжилтнүүд “Битлз “-ийг 20-р зууны цагийг эзэлсэн домогт  хамтлаг гэдгийг санал нэгтэй зөвшөөрдөг юм.

1970 оноос алдарт “Битлз “ хамтлаг өөр өөрийн зам мөрөө хөөн тус тусдаа тоглолтоо хийх болсон ч өнөөдөр тэдний хүрсэн өндөрлөгт хараахан хэн ч хүрч амжаагүй билээ.

1963 онд “Битлз “-ийн “Please Please Me” пянз худалдаанд гарсан нь санаанд оромгүй  амжилтыг олж “битломан” гэсэн шүтэн бишрэгчдийн  сүлжээг бий болгожээ.

Жилийн дараа 1 сарын16 –ны өдрийн” Cashbox “ сэтгүүлд -I Want To Hold Your Hand” дуу нь Америкийн хит парадад тэргүүлж явааг зарлажээ.

Ердөө аравхан хоногийн дотор “Битлз “-ийн сая гаруй цомог борлуулагдаж байсан нь тухайн үедээ зүйрлэшгүй өндөр амжилт юм.

Тэд алдрын  замналдаа нийт 40 гаруй цомог гаргасан нь бүгд хит болсон юм.

 1985 онд хөгжмийн “Эми” компани тус хамтлаг дэлхий даяар нэг тэрбумаас илүү пянз болон кассет зарагдсаныг тогтоожээ.

2004 онд “Роллинг Стоунз” сэтгүүл “Битлз “-ийг “Бүх цаг үеийн шилдэг 100 хамтлаг”-ийн тэргүүн байрт жагсаажээ.

М.Мишээл

.

.