3 толгойтой бүргэд байдаггүй юм.”Господин “Жерар Депардье

Оросын иргэн болсон биш Жерар Депардье сүүлийн үед хаа сайгүй хэвлэлийн бай болоод байгаа билээ.Өнөөдөр тэр дахиад л ээлжит шуугианаа тарилаа.

 Депардье Оросод цаашид  амьдрахгүй гэнээ.Түүнд Ерөнхийлөгч Путин өөрөө ОХУ-ын иргэний 2 толгойтой  бүргэдтэй паспортоо өгөөд нэмэр болсонгүй.Саранск,Грозныйд тансаг сууц бэлдээд ч тусыг олсонгүй.Мордовт ч билүү соёлын сайдын зөөлөн сэнтий амлаад ч тэр Оросод тогтохгүй нь ээ.

Яахав Орос,Чечень хэдэн гайгүй “Мужик”-уудтай усыг нь уувал ёсыг нь дагана гэгчээр 2 толгойтой бүргэдтэй цамц, үстэй кавказ папах духдуулж жаахан водка цохиж аваад нутгийн зүг хүлгийн жолоо залахаар шийджээ.

Хүнээр баахан дайлуулсан хойно явахдаа санаа зовоод дараа утасданаа гэж хэлээд нөхрийнхээ утасны дугаарыг авахаа “мартан” салдаг шиг Орос орон сайхан нөхөрсөг зочломтгой юм гэдэг бэлэн зэлэн сайхан үгийг хэлжээ.

Ядаж хэдэн сарОросод  амьдарсан хүн байна даа цаасан дээр бичиж байгаад”эс-пассий –воо”гээд уншчихгүй дээ.

 Өссөн төрсөн Франц орноо саналгүй л яахав.Хүүгийн ёсоо. Харин Депардье гурав дахь гарцыг сонгосон юм шүү.

Тэрээр ус агаар,унд хоол ойролцоо Бельгид амгалан тайван амьдрахаар шийджээ.

Францын хилтэй залгаа шахуу Нешэнд  тэрээр хувийн жижигхэн ресторан байгуулах сонирхолтой ажээ.Нутгаа санавал дурандаад ч болтугай харчих юм даа.

Хүний хүү хүрэн бөөртэй гэж энэ дээ.

Жерар Депардьед  “улаан нь ч бий.Цагаан нь ч бий” гэдэг шиг Орос,Францын иргэний паспорт хоёулаа бий. Харин Бельгийнх одоохондоо байхгүй ээ.Тэдний паспортан дээр 3 толгойтой бүргэд байдаггүй юм байна лээ шүү. “Господин” Жерар Депардье.

М.Мишээл