Дэлхийн хамгийн том 220 метрийн өндөртэй алсыг харагч сүндэрлэнэ

Одоогоор дэлхий дээр  хамгийн томд тооцогдох алсыг харагч нь Москва хотын Вернадскийн өргөн чөлөөний ойролцоох циркийн орчимд  баригдаж байна.

Хуучинаар  комсмолын 40 жилийн ойн нэрэмжит цэнгэлдэхэд байрлах энэ аварга алсыг харагч  220 метрийн өндөртэй бөгөөд тулгуур ганжир нь  275 метр өндөр  байх юм.

Энэхүү байгууламжийн эргэн тойрны тохижилтын төслийг Москва хотын ерөнхий архитектор Сергей Кузнецов гүйцэтгэж байгаа юм.

Алсыг харагч цогцолбор 7,5га газрыг эзлэх бөгөөд 400 кв метр газарт нь сүрлэг байгууламж сүндэрлэн босох юм.

Хуримын хос бөгжний зохиомжоор гүйцэтгэх цогцолборт  кино театр,галерей,хурлын танхим,мөсөн гулгуурын талбай.бассейн байх юм. Мөн энд хуримын ордрон ч баригдахаар төлөвлөөд байна.

Төслийн удирдагчдийн хэлсэнээр аварга цогцолборыг 2018 оны хөл бөмбөгийн ДАШТ-ий өмнөхөн ашиглалтанд оруулах юм.

Дэлхийд одоо байгаа хамгийн өндөр”Чөтгөрийн дугуй”-нь Сингапурын Singapore Flyer  165 метр өндөр бол хоёрдугаарт  Хятадын Star of Nanchang (160 м)  гуравт  Их Британи “London Eye” (135 м)  ордог байна.

М.Мишээл