Нэрт циркчин мэргэжил нэгтнээ хөнөөжээ

Оросын нэрт циркчин Руслан Персаев мэргэжил нэгтнээ хөнөөсөн хэргээр шалгагдан Тайваний шүүхэд эрүүгийн хавтаст хэрэг бүртгэгдээд байгаа юм.Сэжигтний хувьд одоогоор хэргээ хүлээгээгүй байгаа бөгөөд аргаүй хамгаалалт хийсэн гэж мэдүүлэг өгсөн байна.

4 сарын 16-ны өдөр Тайваньд тоглолтоор очсон Оросын циркийн ахлагч  өдгөө 57 настай Руслан Персаев \Циркийн  нэр нь Ирбек \  удирдлаган доорхи ажилтанаа үүрэг даалгавар биелүүлээгүй гэх үндэслэлээр  29 настай циркчин Артур Аликовыг хэд хэдэн удаа хутгалан амь насыг нь хөнөөжээ.

Тоглолтын үеэр Персаев циркчин Артур Аликовын буруугаас болж 2 удаа мориноос хүчтэй ойчсон байна.

Орой нь нийтийн байранд Аликов  согтуу ирж Персаевтай марган хэрэлджээ.

Согтуу Аликов эхлээд довтолсонд Персаев хариу цохилт болгон хэд хутгалснаа мэдүүлээд байгаа юм.

Руслан Персаев циркийн хүнд үзүүлбэрийн найруулагч ,жүжигчин гэдгээрээ Холливудад ч танигдсан циркчин ажээ.

Тэрээр “Цагдаагийн академи”,”Глори ,Глори”,”Хүн-аалз”,”Үдшийн бүрийгээс үүрийн гэгээ  хүртэл”,”Ковбой Жо” зэрэг киноны каскадёрийн хүнд хэсгүүдэд оролцжээ.

Руслан Персаев мөн Оросын дэлгэцнээ “Бригад” ,”Туркийн гамбит”,”Чонын цус”, “Шидэлтийн марш” зэрэг кинонуудад  тоглосон байна.

М.Мишээл