Нэрт жүжигчин Анна Проклемер таалал төгслөө

Италийн нэрт  жүжигчин Анна Проклемер 90 насандаа Ром хотноо таалал төгссөн талаар  түүний охин Антония Бранкати хэвлэлийхэнд дуулгалаа.

Анна Проклемер таалал төгссөнтэй холбогдуулан Италийн Ерөнхийлөгч Жоржо Наполитано , нийслэл хотын мэр Жанни Алеманно нар болон  урлаг соёлын  зүтгэлтнүүд эмгэнэл илэрхийлжээ.

1940-оноос урлагийн гараагаа эхэлсэн тэрээр тайз дэлгэцийн олон сайхан  дүр бүтээснээс  А.П.Чеховын “Цахлай” жүжгийн Нина Заречная,Шекспирийн  “Гамлет”-ийн Офелия,Гертруда ,Софоклийн ,”Эдип хаан”-ы Иокаста зэрэг  шилдэг сонгодог дүрүүдээрээ алдартай юм.

Тэрээр өнгөрсөн 2012 онд дэлгэцэн дээр “Өгөөмөр сэтгэлтэн”кинонд тоглосон нь сүүлчийн дүр нь байжээ.

М.Мишээл