Медведев”Ленфильм” кино студийн 95 жилийн ойд баярын мэндчилгээ дэвшүүлэв

ОХУ-ын ерөнхий сайд Дмитрий Медведев Санкт-Петербург хотын домогт”Ленфильм” кино студийн 95 жилийн ойд баярын мэндчилгээ дэвшүүлсэн талаар тус улсын засгийн газрын ХМА-наас мэдээлжээ.

Ерөнхий сайд  баярын мэндчилгээндээ” Ленфильм” кино студийн 95 жилийн ойн  баяр нь зөвхөн Санкт-Петербург хотынхны төдийгүй бүх Оросын киночдын том баяр юм гэдгийг дурдаад Каменностровийн өргөн чөлөөнд байрлах кино студидэд үе үеийн шилдэг найруулагч,оператор,кино зохиолчид,жүжигчид төрөн гарсаныг онцолжээ.

” Ленфильм” кино студийн уран бүтээлчид  түүхийн урт хугацаанд 1500 гаруй  уран сайхны болон баримтат киног бүтээсэн байна.

Эдгээрээс “ПетрI”,”Гамлет”,”Лир ван”,”Нохойтой хатагтай”,”Золушка”,”Нохойн зүрх”,”Миний нөхөр Иван Лапшин”,”Зүүдэнд ч оромгүй явдал” зэрэг Орос,Зөвлөлтийн сор болсон олон  кинонуудыг  энэ студид бүтээжээ.

М.Мишээл