Жүжигчин Анжелина Жолигийн 70 сая ам.долларын өртөгтэй хаус

Америкийн алдарт жүжигчин Анжелина Жоли Лос Анжелест төрж өссөн ба түүний эцэг нь Академи Авардын шагналт жүжигчин байсан тул Жоли кино урлагтай их ойр дотно өссөн гэдэг.

Хожим нь тэрээр Ли Страсбергийн Театрын дээд сургуульд суралцсан ба оюутан байхад нь түүнийг нэлээд хэдэн жүжиг, киноны продакшин олж харсан байна.

Анжелина Жоли Лос Анжелес, Нью Иорк, Лондон хотуудад мэргэжлийн загвар өмсөгчөөр ажиллаж хөгжмийн видео бичлэгт оролцож байсан төдийгүй түүний ах Жэймс Хавены удирдлагад киноны USC сургуулийн оюутны 5 кинонд тогложээ.

Анжелина Жоли "Lara Croft" олон ангит киноны гол дүрд тоглож Оскарын шагнал хүртэн алдартай болсон ба үүнээс гадна дүрвэгсдэд туслах олон улсын буяны төслүүдэд байнга оролцдог аж. Мөн тэрээр дэлхийн хамгийн сайхан бүсгүйчүүдийн жагсаалтад байнга ордог ба түүний хувийн амьдрал нь байнга олны сонирхлыг татаж байдаг билээ.

Анжелина Жоли, Бред Пит нар 2005 онд "Mr. and Mrs. Smith" кинонд хамтран тоглосноос хойш хамтдаа амьдарч байна.

Хосууд 70 сая ам.доллараар Францын өмнөд хэсэгт эдлэн газартай том хаус худалдан авчээ. Энэ нь 1000 акр газартай ба байшин нь 35 унтлагын өрөөтэй, усан үзмийн талбай, жижиг нуур, шуудуу, ой, 20 гаруй усан оргилууртай юм байна. Түүний гэрийн доторх байдлын зургийг авах боломжгүй байсан учраас зөвхөн нисдэг тэрэгнээс ерөнхий зургийг нь авсан аж.