Ерөнхийлөгчийн сонгуульд нэр дэвшигчдийн хэн нь хэн бэ?

Монгол Улсын Ерөнхийлөгчийн сонгуульд нэр дэвшигчид тодорхой боллоо. Улстөрийн “жижиг” гэгдэх намуудаас ИЗНН, МҮАН зэрэг намууд АН-аас нэр дэвшигч Ц.Элбэгдоржийг дэмжиж оролцохоо мэдэгдсэн бол МАН-аас УИХ-ын гишүүн Б.Бат-Эрдэнийг дэвшүүлсэн юм. Харин улстөрийн ууган хүчний нэрийг авсан МАХН-аас Эрүүл мэндийн сайд Н.Удвалыг нэр дэвшүүлээд байна. Тэгэхээр Монгол улсын Ерөнхийлөгчийн 2013 оны сонгуулиар иргэд дээрх гурван эрхмийг хэн нэг нь сонгогдоно. Ерөнхийлөгчийн сонгуульд өрсөлдөх гурван нэр дэвшигч хэний хэн, ямар хөрөнгөтэй вэ гэдгийг сонирхуулъя.

Монгол Улсын Ерөнхийлөгч Ц.Элбэгдорж.

1963 онд Ховд аймгийн Зэрэг суманд төрсөн.

1979 онд Ховд аймгийн Зэрэг сумын 8 жилийн сургууль

1981 онд Эрдэнэт хотын 1-р арван жилийн сургууль

1988 онд Украйны Львовын Цэрэг Улс төрийн Дээд Сургууль

2002 онд АНУ-ын Харвардын Их Сургуулийг дүүргэжээ.

Сэтгүүлчийн бакалавр, Төрийн удирдлагын мастерийн зэрэг хамгаалсан.

Англи, орос хэлтэй.

Ажил эрхэлсэн байдал, сонгуульт ажил

1981-1982 он “Эрдэнэт” үйлдвэрт засварчин, машинист
1982-1983 он Ардын армид байлдагч, түрүүч, ХЗЭ-ийн үүрийн дарга
1988-1990 он “Улаан-Од” сонинд сурвалжлагч, Армийн утга зохиолын нэгдлийн эрхлэгч
1989-1991 он МоАХ-ны тэргүүлэгч
1990 он “Ардчилал” сонины эрхлэгч
1990-1992 он АИХ-ын депутат, УБХ-ын гишүүн
1991 он Монголын Ардын Аж Ахуйтны холбооны тэргүүн
1992-1994 он Монгол Улсын Их Хурлын гишүүн
1992 оноос “Залуу удирдагч” сангийн удирдлагын зөвлөлийн байнгын гишүүн
1993 оноос Улс төрийн боловсролын академийн захиралын зөвлөлийн гишүүн
1994-1996 он МҮАН-ын Ерөнхий зөвлөлийн гишүүн
1994-1996 он Үндэсний аюулгүй байдлын зөвлөлийн шинжээч
1996-1999 он МҮАН-ын дарга
1996-2000 он УИХ дахь “МҮАН-МСДН-ын Ардчилсан Холбоо” Эвслийн дарга
1996-2000 он УИХ-ын гишүүн, Монголын парламентын бүлгэмийн гүйцэтгэх хорооны дарга 1998 он Монгол Улсын Ерөнхий сайд, Ерөнхий сайдын үүрэг гүйцэтгэгч
2000 оноос “Эрх Чөлөө төв”-ийг үүсгэн байгуулагч, хүндэт ерөнхийлөгч. “Либерти”, Америк сургууль, “Азийн санаачилга” институт, Уран зургийн академи, “Эрх чөлөө” сэтгүүл, “Philanthropy”, “Элбэг тав”, “Болор” сан”-гийн үүсгэн байгуулагч.
2003 оноос МоАХ болон “Залуу удирдагч” сангийн Хүндэт Ерөнхийлөгч.
2004-2006 он Монгол Улсын Ерөнхий сайд
2005-2008 он Ардчилсан намын дарга
2008-2009 он УИХ-ын гишүүн.
2009 оноос Монгол Улсын Ерөнхийлөгч.

Хөрөнгө орлогын мэдүүлэг.

• Ц.Элбэгдоржийн 2012 оны орлого 118 сая
• Гэр бүлийн гишүүдийн жилийн орлого нь 6 сая төгрөг.
• 3 үхэр, 20 хонь, 25 адуу, 15 ямаагаа 26 сая 900 мянган төгрөгөөр үнэлсэн.
• 418 сая 911 мянган төгрөгөөр үнэлэгдсэн нэг орон сууцтай.
• Унах унаагүй.
• Муштааг, Анх Эрдэнэ, АСУ, Женко тур бюро, Ремикон компаниуд болон Либерти дээд сургуулийн хувьцааг эзэмшдэг.
• Дансандаа 75 сая 459 мянган төгрөгийн хадгаламжтай.
• 635 сая төгрөгийн үнэ бүхий үнэт эдлэл, урлаг, түүхийн үнэт зүйлс бий.

УИХ-ын гишүүн Б.Бат-Эрдэнэ

1982 онд Хэнтий аймгийн Өмнөдэлгэр сумын 10 жилийн дунд сургууль

1990 онд Цэргийн дээд сургууль Хуульч мэргэжлээр тус тус төгссөн.

Хууль зүйн магистр.

Англи, орос хэлтэй.

Ажил эрхэлсэн байдал: 

1983-2000 онд Биеийн тамир спортын “Хүч” нийгэмлэгт тамир­чин, Орлогч дарга, Дарга
1999-2004 онд “Аварга” биеийн тамирын дээд сургуулийн захирал
2004-2008 онд Монгол Улсын Их Хурлын гишүүн
2008-2012 онд Монгол Улсын Их Хурлын гишүүн
2009-2010 онд Монгол Улсын Их Хурлын Хууль зүйн байнгын хорооны дарга
2012 оноос Монгол Улсын Их Хурлын гишүүн

Цол хэргэм

1989 онд Монгол Улсын гавъяат тамирчин

1990 онд Монгол Улсын дархан аварга

1998 онд Монгол Улсын Хөдөлмөрийн баатар

Хөрөнгө орлогын мэдүүлэг

• Б.Бат-Эрдэнийн 2012 оны жилийн орлого 25 сая 971 мянган төгрөг.
• Гэр бүлийнх нь гишүүдийн орлого 20 сая 504 мянган төгрөг.
• 2 орон сууц, үйлдвэрлэл үйлчилгээний 1 барилга нь нийлээд 502 сая 100 мянган төгрөгийн үнэлгээтэй.
• Suzuki Grand Vitara, Lexus-470 тус бүр нэг ширхэг бөгөөд нийтдээ 97 сая 800 мянган төгрөг болж байна.
• Адуу-400, хурдан удмын адуу-20, үхэр-60, хонь-3000, ямаа-350 бий. Эдгээр нь нийтдээ 395 сая 500 мянган төгрөгийн үнэлгээтэй.
• Эзэмших эрх бүхий 0,07 га газраа 10 саяар үнэлжээ.
• Хадгаламж, бэлэн мөнгө, картны үлдэгдэл нь 5 сая 568  мянган төгрөг.
• Буудайн цацал, Атар Чандгана, Атар Чандагна сүү, Эрдэнэс таван толгой зэрэг компаниудад хувь эзэмшдэг.

Эрүүл мэндийн сайд Н.Удвал

1954 онд Архангай аймгийн Эрдэнэмандал суманд төрсөн.

1978 онд АУИС-ийг төгссөн

Хүүхдийн эмч мэргэжилтэй.

Ажил эрхэлсэн байдал:

1978 онд АУИС-ийг төгсөөд Архангай аймгийн нэгдсэн эмнэлэгт эмч
1985 оноос Эх нялхсын эрдэм шинжилгээний төвд эрдэм шинжилгээний ажилтан, захирал, төслийн удирдагч,
1999 оноос Эрүүл мэнд, нийгмийн хамгааллын яаманд Төрийн захиргаа, удирдлагын газрын дарга
2000-2004 онд Эрүүл Мэндийн дэд сайд
2009 он МАХН байгуулах ажлын хэсгийн ахлагч
2010 он МАХН түр штабын зохицуулагч, МАХН-ын Ерөнхий нарийн бичгийн дарга
2012 оноос Эрүүл мэндийн сайд.

Цол хэргэм, мэргэжил дээшлүүлсэн байдал

1991 онд “Хотын нөхцөлд бага насны хүүхдийг диспансерчлах эмнэлэг, зохион байгуулалтын асуудлууд” сэдвээр анагаах ухааны дэд докторын зэрэг хамгаалсан. 1993-1994 онд Тайланд улсад Эрүүл мэндийн менежерийн чиглэлээр мэргэжил дээшлүүлсэн.

1997 онд Англи улсын Манчестерийн их сургуульд магистрийн зэрэг хамгаалсан. 2002 онд “Эрүүл мэндийн анхны тусламжийн харьцуулсан судалгаа ба удирдлага зохион байгуулалтын загвар” сэдвээр анагаахын шинжлэх ухааны докторын зэрэг хамгаалсан.

Хүний их эмч, шинжлэх ухааны доктор

Хөрөнгө орлогын мэдүүлэг.

• Н.Удвалын 2012 оны орлого нь 16 сая 126 мянган төгрөг.
• Гэр бүлийн гишүүдийн орлого нь 10 сая 326 мянган төгрөг.
• 2 орон сууц, үйлдвэрлэл үйлчилгээний 1 барилга, бусад гэх хэсэгт
• 2 орон сууц, үйлдвэрлэл үйлчилгээний 1 барилга, бусад гэх хэсэг 3 барилга байгууламж байгаа хэмээн мэдүүлжээ. Эдгээр нь 287 сая төгрөгийн үнэлгээтэй.
• Toyoto Land Cruiser-80 нэг бий. 20 сая төгрөгийн өртөгтэй.
• Эзэмших эрх бүхий 400 мкв-т газартай бөгөөд 10 сая төгрөгийн үнэлгээтэй.
• Хадгаламжиндаа 7 сая төгрөгтэй.
• РИ ХХК-ийн 1000 ширхэг хувьцаатай бөгөөд ногдол хувь нь 30 байна.