Дээрэм хийсэн гэмт хэрэгтэнг ”шийтгэв”

Богота хотын гудамжинд дээрэм хийсэн гэмт хэрэгтнийг  зогсоол дээр ирж явсан нийтийн тээврийн автобус түүнийг дайрч унагаажээ. Тодруулбал, зорчигчдын зогсоол дээр байрлуулсан видео камерт уг үйл явдал бичигдсэн байна. Гэмт этгээд нэгэн эмэгтэйд дөхөж очоод гарт нь байгаа утсыг булааж, зам руу гарах гэтэл түүнийг зогсоол дээр ирж явсан автобус мөргөжээ.

Азгүй дээрэмчин тэр дороо унасан байна. Хохирсон гэмт этгээдийг эхлээд эмнэлэгт хүргэсэн бөгөөд эмнэлгийн анхан шатны туслалцаа үзүүлээд цагдаа нарын гарт хүлээлгэж өгсөн аж. Аз болоход түүний гэмтэл, бэртэл харьцангуй  гайгүй байжээ.