Аварга могойг дарж авчээ

Жейсон Леон хэмээх нэгэн эр аварга могойг барьж олныг цочирдуулжээ. Майами хотын эр найзтайгаа аялж байхдаа аварга могой бутан дундаас цухуйж байхыг олж харжээ. Улмаар машинаасаа гарч аварга могойн зургийг дарахаар оролдсон ч могой паппарацичдад эгдүүцсэн бололтой Леон руу довтолж хөлийг нь ороосон аж. Залууд хутга байсан тулдаа аварга могойг дарж авчээ.

Энэхүү аварга могой нь бирм могойн төрөлд багтдаг бөгөөд хортой, 60 гаруй кг жинтэй, 18 фут урт, 8 инчийн өргөнтэй аж. Энэ хоёр залууд аз дайрсан төдийгүй, хортой могойтой амь өрсөн тулалдсан байна.