Польш улсад анх удаа нүүр шилжүүлэн суулгах мэс засал хийжээ

Автор | Zindaa.mn
2013 оны 05 сарын 23

Польш улсад 33 настай нэгэн эр ажлын байран дээрээ  чулуу бутлагч машинд нүүрээ дайруулж доод эрүү нь бяцран маш хүнд бэртжээ. Түүний нүүрний яс нь дахин сэргэх боломжгүй байсан тул Польшийн Хорт Хавдар Судлалын төв институтад хандаснаар нүүр болон нүүрны яс шилжүүлэн суулгах мэс засалд орсон байна. Мэс заслын үеэр түүний нүд, хамар, эрүү, тагнай болон нүүрний бусад хэсгийг зассан бөгөөд мэс засал 27цаг үргэлжилжээ.

Эмч нар үүнийг Польшийн хамгийн анхны нүүр шилжүүлэн суулгах мэс засал байсан ба донор нь ч хурдан олдсон гэж хэлж байна.
Нүүр шилжүүлэн суулгах мэс засал нь маш хэцүү ер бусын мэс засал байдаг бөгөөд донор олоход хэдэн сар, бүр хэдэн жилийн ч хугацаа шаарддаг юм байна.

Одоо өвчтөн мэс заслын дараах хяналтад байгаа ба компьютер томографийн зураг дээр түүний гавлын яс хүнд гэмтсэнийг харуулж байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
oogii (49.0.150.61)  2013 оны 05 сарын 27

iim mes zasliig xiilgex ymsan.

0  |  0
tungaa  (202.72.245.123)  2013 оны 05 сарын 24

polshiin emch nar sain shuu polshid olon mongol emch tedentei gar niiluulen amjilttai ajillaj bn

0  |  0
Top