Гүүр нурж, хоёр автомашин гол руу унажээ

АНУ-ын Вашингтон мужийн Маунт Вернон хотод өчигдөр орой Скажит голын дээгүүр тавьсан гүүр нуржээ. Гүүр нурах үеэр гол руу гурван хүн сууж явсан хоёр машин унасан бөгөөд одоогоор ослын газар дээр аврагчид ажиллаж байгаа аж. Азаар хүний амь нас эрсдээгүй бөгөөд энэ гүүрээр өдөр бүр ойролцоогоор 70 мянган машин явж өнгөрдөг байна.