Бэлгийн дарамтад оруулсан хэмээн буруутгаж ажлаас нь халжээ

Японы Жудо бөхийн холбооны тэргүүн 76 настай Жиро Фукуда 36 настай жудоч эмэгтэйг бэлгийн дарамтад оруулсан хэмээн буруутгаж өнгөрсөн баасан гарагт ажлаас нь халлаа. Тодруулбал, 2011 онд Токио хотын метроны цахилгаан шатанд явахад нь хүчээр тэвэрч, үнсэхийг оролдсон байна.

Хоёр жилийн өмнө болсон уг хэргийг бэлгийн дарамтад өртсөн гэх тамирчин Норико Мизогучи өнгөрсөн пүрэв гарагт спортын салбар дахь доромжлолыг устгах тухай симпозиумын үеэр илчилжээ. Тухайн үед Жиро Фукудог халамцуу байсныг мөн мэдээлсэн байна. Тухайн үед хэрэг явдлын талаар холбогдох байгууллагад гомдоллож байсан ч тодорхой арга хэмжээ авалгүй өдий хүрсэн байна.