PSY-ын хуурамч дүр ”шуугиан дэгдээжээ”

Солонгосын алдарт дуучин PSY-ын хуурамч дүр багагүй шуугиан тариад авчээ. Тэрээр Каннын кино наадмын хаалтын ажиллагаан дээр хүрэлцэн ирсэн зочид болон зохион байгуулагчдыг мэхэлсэн бөгөөд гайхалтай нь хэн ч түүнийг хуурамч гэдгийг мэдээгүй байна. Хуурамч реппэр үнэтэй зочид буудалд буудаллаж, зөвхөн оддод зориулсан хаалттай үдэшлэгт оролцсон бөгөөд түүнтэй хамт Холливудын алдартнууд зургаа авахуулж амжжээ.

Тухайлбал, жүжигчин Наоми Харрис, Эдриан Броуди, гарын үсгийг нь авсан шүтэн бишрэгчид нь хүртэл хуурамч PSY гэдгийг нь гадарлаагүй байна. Гэхдээ энэ хууран мэхлэлт тун удалгүй илчлэгдэж PSY нэрийг хуурсан этгээд 34 настай франц иргэн Дени Каррын “шоу” байжээ. Хүмүүсийг хуурсан хуурамч PSY хэдийн буруугаа хүлээсэн бол жинэхэн PSY энэ үед Сингапурт байжээ.

Одоогоор PSY-ын нэрийг барьж хуурсан этгээдэд ямар шийтгэл оногдуулах нь тодорхойгүй байна.