Хүүхдээ уйлахыг нь зогсоох гэж хөлдөөгчинд хийжээ

Хүүхдээ уйлахыг нь зогсоох гэж хөлдөөгчинд хийсэн аймшигтай хэрэг гарчээ. Тэрбээр АНУ-ын Вашингтон мужийн оршин суугч 25 настай Тайлер Дойч төрөөд ердөө 42 хонож байгаа бяцхан охиноо уйлахыг нь зогсоох гэж хөлдөөгчинд хийж орхижээ. Охиноо цаг хэртээ хөлдөөгчинд түгжсэн бөгөөд эхнэрийгээ ирэх үед хөлдөөгчнөөс гаргасан байна. Түүний үйлдлийг харсан эхнэр нь цагдаа дуудаж, нөхрөө баривчлуулан, охиноо эмнэлэгт хүргэсэн аж.

Эмч нар охиныг үзэхэд биеийн хэм 28 градус болж буурсан бөгөөд нярай хүүхдийн биеийн дулаан 35 хэм байдаг ажээ. Одоогоор нярайн биед өөр олон бэртэл, гэмтлүүд байгааг илрүүлсэн бөгөөд зарим яс нь хугарсан байжээ. Тиймээс гэмт этгээд Тайлер Дойчийг хүүхдийн биед хор хөнөөл учруулж, гэр бүлийн хүчирхийлэл үйлдсэн хэмээн буруутгаж хорисон байна.