Брэд Питт хуй салхи мэт аялж байна

49 настай алдарт кино од Брэд Питт  сүүлийн өдрүүдэд бараг унтсангүй. Тэрээр саяхан тоглож дэлгэцэнд гаргаад байгаа “World War Z" нэртэй зомбигийн тухай аймшгийн киноны хэвлэлийн бага хурал хийх аялалаа үргэлжлүүлсээр байна.

Брэд Питт ганцхан долоо хоногийн дотор Лондон, Парис, Берлин, Атланта, Жоржия  зэрэг хэд хэдэн хотуудаар аялж амжив. 6 хүүхдийн эцэг тэрээр өнгөрсөн пүрэв гарагт л гэхэд хуй салхи мэт аялалаа Атлантагаас Филадельфи, Чикаго, Аустин, Техас хотуудаар үргэлжлүүлэн хийжээ.

Аялал бүртээ шүтэн бишрэгчиддээ 6 сарын 21-нд албан ёсны нээлтээ хийх баатарлаг зөгнөлт кино туульсаараа гэнэтийн бэлэг барьсаар байна. Тэрээр явсан газар бүрийн уулзалтан дээр фенүүддээ зурагтай цамц тарааж байлаа.