Хүчингийн хэрэг үйлдсэн этээдүүдийг химийн аргаар хөнгөлөхөөр болжээ

Киргизийн парламент хүчингийн хэрэг үйлдэгсэд болон бага насны хүүхдийг садар самуунд уруу татагсдыг химийн аргаар хөнгөлөх хууль баталжээ. Ингэхдээ хүчингийн хэрэг үйлдсэн хэрэгтнүүдийг шоронгоос суллахын өмнө тариа тарих аж. Түүнчлэн ялаа эдлээд шоронгоос гарсны дараа ч тэд байнга бүртгүүлж, цаашид тариагаа үргэлжлүүлэн хийх ёстой гэнэ. Хэрэв тариа хийлгэхээс татгалзвал хоёр жил хорих ялаар шийтгэнэ хэмээн уг хуульд тусгасан байна. 

2011 онд Киргизэд хүчингийн 83 хэрэг гарсан бол 2012 оны эхний хагас жилд л гэхэд 73 болж эрс нэмэгдсэн тул дээрх хуулийг баталжээ. Мөн хүчингийн хэрэг давтан үйлдэх тохиолдол 100 хувь байдаг учир тус улс ийм чанга хууль хэрэгжүүлэхээр болсон байна.