Твиттерээр жиргэсний төлөө 11 жилийн ял авчээ

Кувейтийн иргэн, 37 настай багш Худа ал-Ажми гэх эмэгтэй тус улсын удирдагчийг гутаан доромжилж твиттерээр жиргэсэн хэргээр 11 жилийн хорих ял авчээ.

Түүнийг 3 өөр хэргээр ялласан ба Эмир Сэйк Сабал ал-Ахмадыг гутаан доромжилсон хэргээр 1 жилийн ял, одоогийн удирдагчийн дэглэмийн эсрэг босогчдыг хөхүүлэн дэмжсэн хэрэгт 5 жил, тухайн улсын хуулийг дээдлээгүй, олон нийтээр ил тод гутаан доромжилсон хэргээр 5 жил тус тус яллаж нийтдээ 11 жилийн хорих ял оноожээ. Худа ал-Ажми давж заалдахаар төлөвлөж байгаагаа мэдэгдэв.

Өнгөрсөн сард тус улсын парламентын гишүүн байсан Мусаллам ал-Барак бас л Кувейтийн Эмирийг доромжилсон хэргээр 5 жилийн хорих ял авч байсан ба харин тэрээр давж заалдаж чадсан байна.